Khamiis 18, June 2026 {HMC} Madaxweynaha Maraykanka, Donald Trump, ayaa sheegay in Biyo-xireenka Dib-u-curashada Itoobiya (GERD) uu dhibaatooyin waaweyn ku hayo Masar.
Trump ayaa hadalkan ka sheegay kulan uu la yeeshay Madaxweynaha Masar, Abdel Fattah al-Sisi, intii uu socday shir-madaxeedka G7 ee Faransiiska.
Shir jaraa’id oo ay si wadajir ah u qabteen dhinaca shir-madaxeedka G7, Trump iyo Madaxweyne al-Sisi ayaa dhaliilay biyo-xireenka Itoobiya, iyagoo sheegay in Masar ay dhibaato ka haysato arrintaas.
Trump wuxuu sheegay inuu kala hadli doono al-Sisi arrimo ay ka mid yihiin ganacsiga iyo qodobo kale, oo ay ku jirto biyo-xireenka Webiga Nile.
“Waxaan si wadajir ah uga shaqaynaynaa arrintan. Waxa kale oo aanu ka caawinaynaa isaga [al-Sisi] mashruuca biyo-xireenka ,” ayuu yiri.
“Waxaan ganacsi badan la leenahay Masar. Waxaan ka wada hadli doonaa ganacsiga iyo Webiga Nile,” ayuu raaciyay, isagoo sheegay in biyo-xireenka Itoobiya uu sababay hoos u dhac ku yimid biyaha Nile.
“Webiga Nile wuu sii yaraanayaa. Waxaan halkan u joognaa inaan ka wada hadalno arrintan. Biyo-xireenka laga dhisay Itoobiya wuxuu dhibaatooyin badan ku hayaa Masar. Arrintan waan ka warqabaa,” ayuu yiri.
