Arbaco 24.June 2026 {HMC} Taliyaha Taliska Taakuleynta Ciidanka Xoogga Dalka Soomaaliyeed, S/Guuto Maxamed Maxamuud Xuseen (Garabey), ayaa maanta xarunta Taliska Taakuleynta ku qaabilay Taliyaha Dugsiga Tababarada ee TURKSOM, Jeneraal Sabahattin Kalkan.
Labada taliye ayaa yeeshay kulan miro-dhal ah oo ay kaga wada hadleen xoojinta wada shaqeynta iyo iskaashiga u dhexeeya Taliska Taakuleynta XDS iyo Dugsiga Tababarada ee TURKSOM, iyadoo xoogga la saaray kor u qaadista tayada tababarrada iyo taageerada Ciidanka Xoogga Dalka Soomaaliyeed.
Jeneraal Sabahattin Kalkan ayaa Taliyaha Taliska Taakuleynta, S/Guuto Maxamed Maxamuud Xuseen (Garabey), ugu hambalyeeyay xilka hoggaaminta Taliska Taakuleynta, isaga oo u rajeeyay guul iyo inuu si hufan u guto waajibaadka loo igmaday.
