Jimco 24 July 2026 {HMC} Ilo ay soo xigatay Majaladda The Global Eye ayaa sheegaya in Imaaraadka Carabta uu dhammeystir ku dhow yahay saldhig milatari oo laga dhisayo agagaarka Garoonka Diyaaradaha Berbera ee Somaliland.
Saldhiggan ayaa la sheegay inuu noqon doono xarun istiraatiiji ah oo ay si wadajir ah uga faa’iideysan karaan Mareykanka, Imaaraadka Carabta iyo Israa’iil, iyadoo laga hirgeliyay kaabayaal ciidan oo ay ka mid yihiin goobo difaaca cirka ah, xarumo raadaar, hangarro loogu talagalay diyaaradaha aan duuliyaha lahayn iyo diyaaradaha kale.
Sidoo kale, waxaa la sheegay in saldhigga lagu daray dhismayaal gaar ah iyo bakhaarro dhulka hoostiisa ah oo loogu talagalay kaydinta hubka iyo rasaasta, taas oo sare u qaadaysa muhiimadda istiraatiijiyadeed ee goobta ku taalla xeebta Berbera.
Warbixinta Majaladda The Global Eye ayaa tilmaamaysa in xaruntan ay qayb ka noqon karto qorshayaasha amni iyo difaac ee gobolka Geeska Afrika.
