 Axad 05, Luulyo, 2026 {HMC} Madaxweynaha Dowlad goboleedka Waqooyi Bari, Cabdiqaadir Aw Cali Fidhiye ayaa guddi u xilsaarey baaritaanka dhacdadii dadka shacabka ah lagu laayay ee 23 bisha June ka dhacday deegaanka Aricadeeye ee gobolka Sool.
Wareegto ka soo baxday Xafiiska Madaxweyne Firdhiye ayaa lagu sheegay in guddiga oo ka kooban shan xubnood guddoomiye looga dhigay Wasiirka Caddaaladda Maamulka Waqooyi Bari, Jeneraal Cabdi Xasan Maxamed.
Waajibaadkan xubnahan ayaa ah in ay baaritaan madaxbannaan ku sameeyaan sida uu u dhacay xasuuqa iyo tillaabooyinka ay qaadeen Hay’adaha Amniga ee dowlad goboleedkaasi Waqooyi Bari.
Ku dhawaad 30 ruux ayaa lagu dilay dagaalka ka dhacay deegaanka Aricadeeye, kaasi oo u dhaxeeyay beelo wada deegaannadaasi, iyadoo dadka la dilay ay ku jireen Haween iyo dad da’ ah.
Dowladda Federaalka Soomaaliya ayaa hore ugu baaqday in wada hadal lagu xalliyo dagaalkii Aricaddeeye, si looga fogaado isku dhac kale.
