Jumce, 26 Juun 2026 {HMC} Dowladda Federaalka Soomaaliya ayaa sheegtay in ay qaaday tallaabo taariikhi ah iyadoo ku biirtay 15 heshiis, baratakool iyo lifaaq-sharciyeed caalami ah oo la xiriira arrimaha badaha.
Go’aankan ayaa DFS sheegtay in uu xoojinaya doorka Soomaaliya ee nidaamka sharciyeed ee badaha caalamka, kor u qaadaya badqabka iyo amniga badda, isla markaana fure u noqonaya soo jiidashada maalgashiga iyo horumarinta dhaqaalaha buluugga ah. Tani ay dowladda ku sheegtay in ay ka dhigan tahay horumar weyn oo lagu casriyeynayo maamulka iyo sharciyada badaha dalka.
