Isniin, 14, Sep 2026 {HMC} Madaxweynaha Dowladda Hirshabeelle Mudane Cali Cabdullaahi Xuseen (Cali Guudlaawe) ayaa maanta hoygiisa Ololaha ee magaalada Muqdisho waxa uu ku qaabilay Golaha Sare ee Siyaasadda Beesha Xawaadle oo uu guddoomiye u yahay Madaxweynihii hore Hirshabeelle Mudane Cali Cabdullaahi Cosoble.
Sidoo kale waxaa goobjoog ahaa ku-xigeenka Golaha Khoone, Guddoomiyayaashii hore Gobalka Hiiraan Muuse Salaad, Cabdifataax Afrax iyo Xildhibaan Maxamed Ganeey.
Golaha ayaa dhambaal hambalyo ah la wadaagay Madaxweynaha waxana ay xuseen inay si buuxdo garab ugu yihiin ayna ka qeyb qaadan doonaan doorashada qof iyo codka ah.
“Waan idinka guddoomay hambalyada, kulankaan waa Hirshabeelle mideysan, wadajir ayaan u guulleysanay.” Madaxweynaha ayaa sidaasi ka yiri fadhigga.
Ugu dambeyn Madaxweynaha Hirshabeelle ayaa u mahadceliyay Golaha Sare ee Siyaasadda Beesha Xawaadle.
