Talaado 15 Sep 2026 {HMC} Taliyaha Taliska Taakulaynta Ciidanka Xoogga Dalka Soomaaliyeed, Sarreeye Guuto Maxamed Maxamuud Xuseen Garabey, iyo Taliyaha Taliska Tababarka iyo Doktrinka Ciidanka Xoogga Dalka Soomaaliyeed, Sarreeye Guuto Axmed Ciise Axmed, ayaa Labada Talis ku qaabilay wafdi sare oo ka socday Ciidanka Militariga Dowladda Masar.
Kulanka ayaa diiradda lagu saaray xoojinta iskaashiga labada dal ee dhinacyada amniga iyo difaaca, dhismaha Ciidanka Xoogga Dalka Soomaaliyeed, horumarinta tababarka iyo kor u qaadista awoodda ciidanka.
Sidoo kale, waxaa laga wada hadlay hirgelinta qaar ka mid ah heshiisyadii hore ee iskaashiga labada dhinac.
Kulankan ayaa qeyb ka ah dadaallada lagu xoojinayo xiriirka iyo iskaashiga milatari ee Soomaaliya iyo Masar.
