Isniin 27 Julay 2026 {HMC} Dowladdaha Soomaaliya iyo Turkiga ayaa isku raacay inay xoojiyaan iskaashiga dhinaca badda, kaddib booqasho ay Muqdisho ku yimaadeen wafdi ka socday Wasaaradda Beeraha Turkiga.
Mas’uuliyiinta Turkiga ayaa wada-hadallo la yeeshay Wasiirka Dekedaha iyo Gaadiidka Badda ee Soomaaliya, Abdulkadir Mohamed Nur.
Guddoomiye ku-xigeenka Xarunta Cilmi-baarista Kheyraadka Badda Soomaaliyeed, Cabdiraxiin Warsame Diriye, ayaa sheegay in labada dhinac ay ku heshiiyeen inay sii xoojiyaan wada shaqeynta iyo maalgashiga dhinaca kalluumeysiga.
