Talaado 30,June 2026 {HMC}Warar soo baxaya ayaa sheegaya in xubno ka tirsan Beesha Caalamka ay fariimo gaarsiiyeen Madaxtooyada Soomaaliya iyo Golaha Mustaqbalka, kuwaas oo ku saabsan diyaar-garowga wadahadal la filayo inuu qabsoomo toddobaadyada soo socda ee bishan.
Sida ay sheegayaan xogaha la helayo, dhexdhexaadiyeyaasha ayaa oggolaaday in Golaha Mustaqbalka uu noqdo dhinaca si rasmi ah u matalaya mucaaradka Soomaaliya ee wadahadalka la yeelanaya Dowladda Federaalka, iyadoo ujeeddadu tahay in xal looga gaaro ismari-waaga siyaasadeed ee ka dhashay dhammaadka muddo-xileedka hay’adaha dowladda.
Xogaha ayaa sidoo kale tilmaamaya in Beesha Caalamka ay u sheegtay Madaxtooyada in Dowladda Soomaaliya ay xor u tahay inay la kulanto ama la tashato siyaasiyiinta kale ee ay dooneyso, hase yeeshee wadahadalka rasmiga ah ee lagu raadinayo xal siyaasadeed uu si gaar ah u dhex mari doono Dowladda Federaalka iyo Golaha Mustaqbalka.
Ilaa iyo hadda ma jiro war rasmi ah oo ka soo baxay Dowladda Federaalka Soomaaliya, iyo Golaha Mustaqbalka
