Muqdisho, 28 June 2026 {HMC}Â Ciidanka Boliiska Soomaaliyeed, gaar ahaan Boliiska Caasimadda iyo Hoggaanka Dambi-baarista (CID), oo waday howlgal ballaaran, ayaa wajigiisii koowaad ku soo qabtay shaqsiyaadkii caadaystay dhaqannada xun iyo faafinta anshax-xumada.
Eedaysanayaashan laga soo dhex qabtay bulshada ayaa isugu jira kuwo ku eedeysan faafinta dhaqanno xun oo si toos ah uga hor imanaya dhaqanka suubban ee Islaamka iyo qiyamka bulshada Soomaaliyeed, Sidoo kale, waxaa la soo qabtay shaqsiyaadkii lahaa abaabulka iyo isu keenidda kuwa sameeya dhaqan xumada.
Ciidanka Boliiska ayaa sii wada howlgal xooggan oo lagu ciribtirayo dhaqannada lidka ku ah anshaxa iyo qiyamka bulshada, waxaana weli lagu daba jiraa shaqsiyaad kale oo ku lug leh falalka noocan ah, Eedaysanayaasha dhammaantood waxaa ku socda baaris, waxaana loo gudbin doonaa Maxkamadda awoodda u leh si sharciga loogu waafajiyo.
Cid kasta oo lagu helo falal anshax-xumo ah ama dhaqanno lid ku ah anshaxa bulshada waxaa laga qaadi doonaa tallaabo adag oo waafaqsan sharciga. Sidoo kale, Boliisku wuxuu uga digayaa ganacsatada inaysan goobahooda u oggolaan in lagu abaabulo ama lagu faafiyo falal anshax-xumo ah.
