Khamiis 22 Oct 2026 {HMC} Ra’iisul Wasaare Ku-xigeenka Xukuumadda Federaalka Soomaaliya, Mudane Saalax Axmed Jaamac, ayaa khudbad ka jeediyay Shir Madaxeedka 25aad ee Ururka Suuqa Bariga iyo Koonfurta Afrika (COMESA), oo ka dhacay magaalada Harare ee dalka Zimbabwe.
Ra’iisul Wasaare Ku-xigeenka ayaa khudbaddiisa ku sheegay muhiimadda ay leedahay xoojinta iskaashiga dhaqaale ee dalalka gobolka, kobcinta ganacsiga, dhiirrigelinta maalgashiga iyo dardar gelinta isku-xirnaanta dhaqaalaha Afrika.
Mudane Saalax Axmed Jaamac ayaa sidoo kale muujiyay sida ay Soomaaliya uga go’an tahay ka-qaybgalka dadaallada lagu horumarinayo isdhexgalka dhaqaale ee gobolka iyo abuurista fursado ganacsi iyo maalgashi oo wax ku-ool ah.
