Talaado 11 Aog 2026 {HMC} Ciidamada Hay’adda Nabad Sugidda iyo Sirdoonka Qaranka (NISA), oo kaashanaya Ciidanka Xoogga Dalka Soomaaliyeed, ayaa howlgal qorsheysan ka fuliyay inta u dhexeysa deegaannada Kabtan Laas iyo Janaale, gaar ahaan tuulada Kibili ee Gobolka Shabeellaha Hoose.
Howlgalka ayaa lagu fashiliyey qorshe ay Khawaarijtu ku doonayeen inay waxyeello ugu geystaan shacabka ku nool deegaannadaasi.
Intii uu socday howlgalka, ciidamada ayaa dilay laba dhagarqabe oo ka tirsanaa Khawaarijta, halka laba kale oo ka mid ah maleeshiyaadkaasi nolol lagu qabtay.
Sidoo kale, ciidamada ayaa gacanta ku dhigay sideed miino iyo bastoolad, kuwaas oo la sheegay in Khawaarijtu u adeegsan lahaayeen falal amni-darro iyo waxyeello loo geysto shacabka.
Meydadka labada dhagarqabe iyo hubka iyo miinooyinka laga furtay Khawaarijta ayaa lagu soo bandhigay magaalada Marka ee Gobolka Shabeellaha Hoose
