Khamiis 5 Nov 2026 {HMC} Duqa magaalada New York, Zohran Mamdani, ayaa soo dhaweeyay guusha Cabdul El-Sayed uu ka gaaray doorashada Senate-ka ee gobolka Michigan, isagoo sheegay in guushaasi ay macno weyn u leedahay dad badan oo Mareykan ah.
Hadalka Mamdani ayaa yimid kaddib doorashadii Talaadada, oo Dimuqraadigu dib ula wareegeen aqlabiyadda labada aqal ee Congress-ka.
Mamdani ayaa sheegay in natiijada doorashadu muujisay in shacabka Mareykanku ka daaleen siyaasiyiin u sheega in baahiyahooda aan la dabooli karin, isagoo ku eedeeyay qaar ka mid ah siyaasiyiinta inay u adeegaan danaha dadka ugu hantida badan dalka.
Wuxuu ugu baaqay Dimuqraadiga inay guusha doorashada u beddelaan waxqabad dhab ah oo shacabka ka dareemaan nolol maalmeedkooda, gaar ahaan qiimaha nolosha iyo dhaqaalaha qoysaska.
Mamdani ayaa sidoo kale sheegay in El-Sayed uu intii uu ololaha ku jiray la kulmay weerarro la xiriira diintiisa iyo asal ahaan halka uu kasoo jeedo. Guusha El-Sayed ayaa taariikhi ah, maadaama uu noqonayo Muslimkii ugu horreeyay ee loo doorto Senate-ka Mareykanka.
