Jimco 6 Nov 2026 {HMC} Kaddib guuldarradii xisbiga Jamhuuriga ee doorashada dhexe ee Mareykanka, Israa’iil waxaa ka curtay loollan siyaasadeed oo sii xoogaysanaya, iyadoo Netanyahu uu isku dayayo inuu ka hortago dhismaha dawlad isaga ka soo horjeedda.
Netanyahu oo doonaya inuu taageerayaashiisa ku mideeyo mucaaradka ayaa ku eedeeyay inay doonayaan in xisbiyada Carabta awood ku yeeshaan gudaha Israa’iil.
Wuxuu yiri: “Cadowgeenna aan dibadda kula dagaallamayno ayay doonayaan inay gudaha awood ku siiyaan. Haddii ay taasi dhacdo, Israa’iil gudaha ayay ka burburi doontaa. Tani waa arrin ku saabsan nolol iyo geeri.”
Dhanka kale, Gadi Eisenkot oo ka mid ah hoggaamiyeyaasha mucaaradka, isla markaana doonaya inuu beddelo Netanyahu, ayaa ballanqaaday hoggaan cusub oo Israa’iil ka dhiga nidaam ku dhisan dimuqraadiyad, xorriyad iyo sinnaanta muwaadiniinta.
Wuxuu yiri:
“Waxaan dhiseynaa Israa’iil xooggan oo ku dhisan qiyamka xorriyadda, sinnaanta dadka oo dhan iyo kalsoonida mustaqbalkeeda.”
Isagoo ka hadlayay xiriirka dalalka Bariga Dhexe, Eisenkot wuxuu intaas ku daray:
“Waxaan horumarin karnaa danaha amni ee aan wadaagno, xoojin karnaa xasilloonida gobolka, isla markaana furi karnaa albaabo cusub oo barwaaqo u horseeda shucuubta Bariga Dhexe.
