Talaado 12- Nov-2024 {HMC} Wararka Mustaqbal ay ka heleyso Degmada Guriceel ee Gobolka Galgaduud Dowlad-Goboleedka Galmudug ayaa kusoo warramaya in Nin hubeysan oo la sheegay in uu xirnaa dharka Ciidanka in uu weeraray Goob lagu uruuriyo Biraha lasoo isticmaalay.
Ninkaan ayaa markii uu gudaha u galay goobtaan oo ah Geerish waxa uu toogtay mid kamid ah Itoobiyaanka ka Ganacsada Biyaha lasoo isticmaalay ee muddooyinkii dambe loo dhoofinayay Dalkaas halka mid kale uu dhaawac halis ah u geystay.
Falkaan ayaa si gaar ah uga dhacay Waaxda Istarliin ee Xaafadda Wadajir Degmada Guriceel Gobolka Galgaduud Dowlad-Goboleedka Galmudug, waxaa baxsaday Ninkii toogashada geystay oo ilaa haatan aanay jirin xog dheeraad ah oo laga helay baxsashadiisa kaddib.
Si dhab ah looma ogaan sababta keentay in Ninkaan hubeysan ee ku labisan dharka Ciidanka uu toogasho kula dhaqaaqo Ajaanibtaan ku howlanayd iibsashada Biraha oo marka ay uruuriyaan kaddib Dalkooda u rarayay.
Weli ma jiro war kasoo baxay Laamaha Ammaanka Degmada Guriceel iyo kan Dowlad-Goboleedka Galmudug oo lagu faah-faahiyay arrintaan, waxaana goobta toogashadu ka dhacday gaaray Ciidamo katirsan Laamaha ammaanka.
