Khamiis 31-Oct-2024 {HMC} Hal kiis oo mpox ah – oo hore loo oran jiray furuqa daanyeerka (monkeypox) oo lala xiriiriyay cudur dhawaan ka dillaacay qaybo ka mid ah Afrika ayaa laga helay UK.
Waa qayb ka mid ah dillaaca Clade 1b, kaas oo u muuqda in uu si fudud ugu faafo dadka dhexdooda.
Ururka Caafimaadka Adduunka ayaa ku dhawaaqay Mpox in uu yahay xaalad degdeg ah xagaagii.
Bukaanka laga helay cudurka ee UK ayaa dhawaan fasax ku tagay ugu yaraan mid ka mid ah wadamada uu ka dilaacay cudurka ee Afrika wuxuuna bilaabay inuu dareemo xanuun 24 saacadood kaddib markii uu u soo duulay dalka .
Bukaanku waxaa kasoo baxay astaamo u eg hargab 22kii Oktoobar iyo finan laba maalmood kaddib.
Finanka mpox ee nabarrada malaxdu ka buuxaan waxay socon karaan ilaa hal bil. Calaamadaha kale waxaa ka mid ah qandho, madax-xanuun iyo tabar yari.
Bukaanka uu ku dhacay cudurka ayaa lagu daweynayaa Isbitaalka Royal Free Hospital ee qaybta cudurrada faafa ee London.
Tijaabada shaybaarka ayaa lagu xaqiijiyay in caabuqu yahay Clade 1b. Noocan fayrasku ayaa keenay walaac isasoo taraya.
