Arbaco-31-jan- 2024-{HMC} Allaha u naxariistee Muwaadinkan Soomaaliyeed ee maanta lagu dilay Magaalada Cape-town ee wadanka Koonfur Afrika ayaa ahaa nin dhalinyaro ah waxaana lagu magacaabi jirey Maxamed Maxamuud Diiriye (Caafi).
Kooxo hubeysan oo burcad koonfur afrikaan ah ayaa toogtay xili uu watay gaari nuuca Dukaamada ay ku soo adeegtaan ah sida dad goob joogayaal ahi sheegeen.
Booliska Koonfur Afrika ayaa gaaray goobta lagu dilay marxuumka halkaasoo ay baaritaano ka sameeyeen inkastoo aysan jirin cid loo soo xiray dilkaas oo qeyb ka ah dilal boqolaal soomaali ah sanadihii la soo dhaafay loogu geystay dalkaas.
Maxamed Caafi ayaa asal ahaan ka soo jeeda Magaalada Muqdisha gaar ahaan Degmada Kaaraan oo reerkiisu degan yihiin waxana uu dalkaas u tagay si uu ugu shaqeysto madaama wadankiisa ay colaado iyo shaqo la aan ragaadisay.
Allaha u naxariistee Maxamed Caafi ayaa qorsheynayay in uu dhawaan Soomaaliya ku soo laabto sida ay sheegeen eheladiisa.
