Axad jan-21 2024-{HMC} Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale {Madaale} ayaa maanta xafiiskiisa ku qaabilay Mudane Nasri Warsame oo kamid
ah qurba joogta Soomaaliyeed islamarkaana ah ah musharax dhawaan u tartamay Guddoomiyaha Degmada 10-aad Magaalada Minneapolis ee Dalka Mareekanka hadana ah
musharax u taagan Senator-ka Gobolka Minnesota ee dalka Mareekanka, iyada uu Kulankan goob joog ka ahaa Wasiir Kuxigeenka Qorsheynta Dowlad Goboleedka Hirshabelle
Abdifatah Jama Warsame {JK}.
Mudane Nasri Warsame ayaa ugu mahadceliyay Duqa Magaalada Muqdisho Mudane Madaale soo dhaweynta uu xafiiskiisa ugu sameayay iyo sida uu had iyo jeer u dhiiragaliyo
dhallinyarada Soomaaliyeed ee doonaya in ay kasoo muuqdaan miisaaska Siyaasada lagu go’aamiyo, isaga intaa kadib kawarbixiyay doorashadii uu dhawaan kaga qeyb galay Dalka
Mareekanka.
Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale {Madaale} ayaa bogaadiyay sida fir-fircoonida leh oo ay dadka Soomaaliyeed ee qurbaha kunool uga soo muuqdaan fagaaraha siyaasada waddamada ay kunool yihiin.
