Talaado 01, April-2025 {HMC} Feeryahan u dhashay dalka Nigeria oo la yiraahdo Gabriel Oluwasegun Olanrewaju, ayaa geeriyooday ka dib markii uu suuxay xili ay socotay cayaar toos ah oo ka dhacaysay dalka Ghana Sabtidi.
Oluwasegun ayaa miyir daboolmay wareegii saddexaad ee tartanka iyadoo ay isla feertamayeen Jon Mbanugu, tartankaas oo ka socday garoonka Bukom Boxing Arena ee magaalada Accra.
Maamulka cayaaraha feerka ee Ghana (GBA), ayaa xaqiijiyay warka geeridiisa, waxayna sheegeen loola cararay isbitaalka Korle-Bu Teaching Hospital ka dib gargaar degdeg ah oo loo fidiyay, halkaasoo oo u uku geeriyooday muddo 30 daqiiqo ah ka dib.
Xoghayaha guud ee guddiga xtartanka feerka ee dalka Nigeria, Remi Aboderin, ayaa Oluwasegun ku tilmaamay inuu yahay qof “geesi ah” oo dhintay isagoo “halyeey ah”.
“Runtii aad ayaan u murugeysannahay,” ayuu yiri Aboderin oou warramay BBC-da qeybteeda cayaaraha e Africa.
“[Tani] ma ahan wax aan ku talagalnay. Waanu ka soo bixi doonnaa mas’uuliyaddayada waxaanan hubin doonnaa inaan garab istaagno qoyska.”
Oluwasegun wuxuu u yaala rikoor rasmi ah, 23 jeer oo uu cayaaray, waxaa uu ku guuleystay 13 kamid ah halka looga adkaaday ilaa 8 tartan.
