Isniin 31, March-2025 {HMC} Abaabul dagaal oo ka dhan ah Al-shabaab Ayaa ka socda Magaalada tardo ee Gobalka Hiiraan ka dib markii Saraakiil hogaamisa ciidanka deegaanka ay gaareen Magaaladaas. Wafdigaan saraakiisha waxaa sidoo kale qeyb ka ahaa odayaal kasoo jeeda Gobalka Shabeeladda dhaxe, oo hormuud u ah dadaalada Kooxda looga saarayo deegaanadda Afarta-tuulo ee Gobalkaas.
Shacabka iyo Maamulka Tardo oo soo dhaweeyay ciidankaan ayaa sheegay in aad ugu faraxsan yihiin Wafdi soo gaaray, isla markaana ay direyso fariin Nabadeed oo meesha ka saareysa Colaado mudo badan u dhaxeysay dadka wada dhashay ee kasoo wada jeeda labada Gobal ee Hiiraan & Sh-dhaxe.
Ganacsade Caydiid Maxamed Hogaamiyaha Macawisleyda Afarta tuulo ayaa sheegay in saf balaaran oo is garabsi ah lagu gali doono dagaalka, cadowga dadka ku nool labada gobal uu yahay Al-shbb.
Gudoomiyaha Magaaladda Tardo Cismaan Xuseen Guure oo la hadlay Ciidanka loo diyaariyay dagaalka Al-shbb Waxaa uu sheegay in Kooxda ay dhowr meel isku dayeyso in ay weeraro ka geystaan balse hadii xagooda loo dhaqaaqo kooxda laga guuleysan doono.
Dowladda Soomaaliya ayaa todobaadyadii dambe waday Abaabul balaaran oo xiliyada qaar ay barbar socdeen dagaal iyo duqeymo intooda badan ka dhacayay Gobalka Sh-dhaxe.
