Khamiis 30, Jan 2025 {HMC} Dagaal muddo socday ayaa saaka ka dhacay deegaanka Shangeed, oo u dhexeeya Qorilugud iyo Buuhoodle, iyada oo dhinacyadu ay baraha bulshada ku baahinayeen dhawaqa rasaasta.
Inkasta oo aan xog badan laga hayn khasaaraha dagaalka maanta, ilo-wareedyo u dhaw dhinacyada dagaalamaya ayaa sheegaya in uu jiro khasaare soo gaadhay labada dhinac.
Dagaalka maanta ayaa yimid kadib muddo ay daganaayeen deegaanada ay isku hor fadhiyaan ciidamada labada dhinac, kuwaas oo dagaallo joogto ahi dhexmarayeen labadii sano ee u dambeeyay.
Somaliland iyo SSC Khaatumo ayaa ku muransan deegaanada gobollada Sanaag, Sool, iyo Buuhoodle. Maamulka SSC Khaatumo ayaa doonaya in uu ku fidiyo xukunkiisa deegaanadan, halka Somaliland ay aaminsan tahay in ay ka mid yihiin dhulkeeda.
Waxaan halkan idiinku soo gudbin doonnaa wixii warar ah ee kasoo kordha dagaalka maanta.
