Isniin, 27,Jan 27, 2025 {HMC} Howlgalka cusub ee Ciidanka AUSSOM ayaa qaatay tababar socday labo toddobaad oo ku saabsanaa isticmaalka diyaaradaha yar yar ee aan duuliyaha lahayn, waxaana uu Tababarkaan uu ka dhacay Taliska Qaybta 5-aad ee Jowhar ee Dowlad Goboleedka HirShabeelle.
Tababarka oo ay soo qabanqaabisay Qaybta Teknolojiyada ee UNSOS ayaa waxaa sare loogu qaadaayay xirfadaha xuuraanka iyo sirdoonka ee saraakiisha si loo taageero hawlgallada wadajirka ah ee ka dhanka ah kooxaha sida sharci darrada ah u hubeysan.
Taliyaha Guutada Ciidanka BNDF AUSSOM, Gaashaanle Sare Oscar Hatungimana ayaa xiritaankii xafladda ugu baaqay ciidanka inay xirfadahooda cusub ku dabaqaan nabadda iyo amniga Soomaaliya, halka Isku Duwaha Qaybta Teknolojiyada UNSOS George Dannhauser uu xusay doorka muhiimka ah ee teknolojiyada diyaaradaha aan duuliyaha lahayn u leedahay xoojinta hawlgallada & ka hor-tagga halista.
Howlgalkaan ayaa ka bilowday sanadkaan 2025 ka waxaana markii ugu horeeysay ka qeyb qaadan doonta Dowladda Masar.
Dowladda Soomaaliya ayaa waday dhowanahaan dadaalo ay ku dooneyso in howlgalka cusub noqdo mid ka hortaga Kooxaha Argagexisada iyo hanjabaadaha ka imaanaya si Soomaaliya xasilooni buuxda ay u gaarto.
