Talaado 14, Jan 2025 {HMC} Dabaysha xooggan ee ka jirta Magaalada Los Angeles ee Dalka Maraykanka ayaa sii kordhisay cabsida laga qabo in uu dib usoo laba-kacleeyo Dabkaas oo qaybo kamid ah Koofurta California lagu guuleystay in la damiyo lagana bixiyo Dadkii halkaas ku go’doonsanaa.
Kooxaha ku howlan gurmadka Degdega ah ee isugu jira Maraykanka iyo kuwa Dalalka kale ee Caawinta halkaas u tagay ayaa laga soo xigtay in Dabaylo xooggan ay billowdeen isla markaana meelaha qaar dabka uu kasoo laba-kacleeyay.
Waxa ay dalbadeen in la kordhiyo howlgalka kusoo koobmay dhinaca cirka ee diyaaradaha Dab damiska ah ay wadaan si loo beegsado meelaha ugu badan ee haraadiga dabkaas uu ka jiro si aanay dib ugu soo laaban sida hadalka loo dhigay.
Dhinaca kale, Kooxaha gurmadka degdeg ah ayaa dhankooda wada sidii ay u tagi lahaayeen Magaalooyinka qaar ee Dabka laga damiyay si ay usoo raadiyaan haddii ay jiraan ama arkaan Dad halkaas ku go’doomay, waxa ay adeegsanayaan Eeyaha ururiska u tababaran.
