Isniin 13, Jan 2025 {HMC} Bayaanka ka soo baxay Wasaaradda waxbarashada iyo Hidaha tacliinta Sarre ee Dalka ayaa lagu cadeeyay in fursadaan ay tahay mid diiradda lagu saarayo xoojinta iyo horumarinta tacliinta sare ee Soomaaliya.
Wasaaradda Waxbarashada Soomaaliya ayaa bayaankeedi ku faah faahisay waajibaadka Guddiga oo ay noqon doonaan, Dejinta siyaadaha qaran ee Tacliinta Sare, oo la jaangaadi kara ujeeddooyinka guud ee Qorshaha Qaranka, Ka talabixinta horumarinta Tacliinta Sare iyo ku xirideeda baahida suuqa, Dejinta halbeegyada qarán ee ogolaanshaha baraamijta kala duwan ee hay’adaha Tacliinta Sare.
Waajibaadka Guddigaan waxaa qeyb ka ah, Korjoogtaynta siyaasadaha dowladda, ee ku aadan Tacliinta Sare, Qiimaynta shaqa gudashada hay’adaha Tacliinta Sare ee dalka, Fududaynta iskuxirka Hay’adaha Tacliinta Sare, Dejinta xeerarka qaran ee khuseeya Tacliinta Sare, Korjoogtaynta xinirka dibadda ee hay’adaha Tacliinta Sare, iyo
Dejinta qorshayaasha fog ee iskaashiga hay adaha Tacliin- ta Sare iyo kuwa caalamiga ah.
Shuruudaha xubinnimada Guddiga waxaa ka mid ah soo gudbinta dukumentiyo rasmi ah, oo ay ku jiraan CV, shahaadooyin tacliimeed, warqad codsi shaqo, iyo cilmibaarisyo hore.
Xubnaha cusub ayaa lagu dooran doonaa hannaan waafaqsan Sharciga Tacliinta Sare, gaar ahaan Qodobka 12aad iyo faqradihiisa kala duwan oo qeexaya habraaca xulashada iyadoona codsiyada la xareyn doono illaa 30ka Janaayo 2025, waxaan a ay Wasaaraddu sheegtay in loo baahan yahay xubno leh aqoon, waayo-aragnimo, iyo karti sare si ay ugu adeegaan hormarinta nidaamka waxbarasho ee dalka.
HOOS KA AKHRISO BAYAANKA WASAARADA WAXBARASHADA
