Talaado 7, Jan 2025 {HMC} Danjiraha cusub ee dhawaan dowladda Federaalka Soomaaliya u soo magacawday dalka Hindiya , mudane Dr. Cabdullahi Maxammed Odowa ayaa maanta ugudbiyay Nuqul kamida Warqadaha Aqoonsiga Danjirenimo, Agaasimaha Hab maamuuska Qaranka ee dalka India, Mudane Mr. Anshuman Gaur.
Mr. Gaur, ayaa ugu horeyn magaca dowladda Hindiya ku soo dhaweeyay danjiraha cusub.
Danjire Dr. Cabdullahi Maxammed Odowa, ayaa isna dhiniciisa ka mahadceliyay soo dhaweynta iyo kulanka gudbinta Warqadaha Aqoonsiga Danjirenimo.
Labada masuul ayaa inta uu kulan koodu socday is dhaafsaday xogaha labada dal ee Soomaaliya iyo Hindiya oo ay ka dhaxeeyaan taariikh diblomaasiyadeed oo qoto dheer iyo xidhiidh kale oo bulsho.
Labada masuul ayaa isla qaatay in laga wada shaqeeyo sii xoojinta iyo sara uqaadida xiriirka labada dal.
