Sabti 4, Jan 2025 {HMC} Sadax ruux ayaa ku geeriyootay shil gaari oo Xalay ka dhacay wadada isku xirta magaalada Muqdisho iyo deegaanka Jasiira.
Gaari shilka galay oo ahaa nooca raaxada ah ayaa waxaa ku dhintay dhamaan dadkii saarna oo ka koobna sadax ruux oo kala ahaa laba gabdhood iyo darawalkii gaariga waday oo la sheegay inuu ahaa askari ka tirsana ciidanka dowladda Fedaraalka.
Sida Dadka Deegaanka ay u xaqiijiyeen Warbaahinta shilka waxa uu yimid kadib markii gaariga uu ku socday Xawaare sare taasoo keentay inuu Wadada ka baxo gaariga oo uu burburo guud ahaan Gaari.
Sidoo kale wararka qaar ayaa sheegayo in gaariga shilka galay uu tartan kula jiray gaari kale oo ay wateen rag kaloo dhalinyaro ahaa oo ka yimid deegaanka Jasiira ee duuleedka magaalada Muqdisho.
Shilkaan sababay khasaaraha dhimashada leh ayaa kusoo aadaya, iyadoo maalinta Jimcaha ah ay dadweyne badan u damaashaad tagaan xeebta deegaanka Jasiira.
