Khamiis 02, Jan 2025 {HMC} Waxaa magaalada Muqdisho soo gaarey mas’uuliyiin ka socda dowladda Itoobiya, kuwaasi oo ay qeyb ka yihiin Wasiirka Difaaca, Wasiiru dowlaha Arrimaha Dibadda iyo Mas’uuliyiin kale.
Xubnahan ayaa Madaxda Dowladda Federaalka kala hadli doona joogitaanka Ciidamada Itoobiya ee gudaha Soomaaliya, xilli uu billaawday howlgalka AUSSOM.
Dowladda Itoobiya ayaa ku dadaaleysa in ciidamadeeda ay sii joogaan gudaha Soomaaliya, si ay uga mid noqoto howlgalka AUSSOM.
Itoobiya ayaa ku andacooneysa in joogitaanka Soomaaliya ay xaduudka ka difaacdo weeraro uga yimaada AS.
Safarka Wafdigaan ay magaalada Muqdisho ku yimaadeen ayaa ku soo aadaya xilli hore dowladda Soomaaliya ay Itoobiya kaga reebtay howlgalka AUSSOM.
