Isniin 30,Dec 2024 {HMC} Xamse Cabdi Barre Ra iisulwasaaraha Dowladda Federaalka Soomaaliya ayaa maanta markii ugu horeysay ka hadlay askartii ka tirsaneyd ciidanka xoogga dalka ee 26-kii bishaan lagu dilay deegaanka Ceel baraf ee gobolka Shabeellaha Dhexe, kuwaas oo loo dilay aano qabiil.
Ra iisulwasaaraha Soomaaliya ayaa falkaasi ku tilmaamay ayaan darro aad u weyn, isagoona xusay in kuwii falkaasi geystay ay yihiin dad qalato aan arxan laheyn.
Hadalkaan kasoo yeeray Ra iisulwasaare Xamse ayaa kusoo beegmaya, iyadoo Khamiistii lasoo dhaafay deegaanka Ceel baraf aano qabiil loogu dilay ilaa lix askari oo fasax haystay, islamarkaana kusii jeeday gobolka Hiiraan oo ay dhalaasho ahaan kasoo jeedeen, waxaana xusid mudan in askartaasi meydadkooda ilaa hada inaan la aasin oo ay Farin jeero kula jiraan magaalada Baledweyne.
Falka Askarta lagu dlay ayaa waxaa ka dhashay caro aad u xoogan, waxaana odayaasha Beesha Xawaadle ay sheegeen inaan la aasi doonin askarta ilaa cadaalada laga horkeeno kooxdii ka dambeysay dilkooda.
