Jimco , 27, Dec 2024 {HMC} Xuutiyiinta ayaa xaqiijiyay maanta oo Jimco ah in ay gantaalada ridada dheer ku weerareen garoonka diyaaradaha Ben Gurion ee bartamaha Israel maalin kaddib markii la duqeeyay garoonka diyaaradaha Sanca.
Afhayeen militeri oo u hadlay kooxda Ansar Allah, Yaxya Saree ayaa sheegay in gantaalka uu gaarsiiyay dhaawac iyo in la joojiyo howlaha garoonka.
Saree wuxuu sheegay in ay qaadeen weerar kale oo lagu beegsaday wax uu ku tilmaamay goobo muhiim ah oo Israel ka tirsan.
Kooxda waxay sidoo kale bartilmaameed ka dhigteen Markab marayay bariga jasiirada Socotra iyagoo ku weerary drones. Sida laga soo xigtay Saree, “shirkadda iska leh markabka ayaa jabisay go’aanka lagu mamnuucayay in lagu galo dakadaha Israel”.
Xala waqti dambe ayey ciidamada Israel sheegeen in ay ka hortageen gantaan kaga yimid Yemen ka hor inta uusan soo gelin hawadooda.
Militeriga Israel ayaa hore u weeraray garoonka diyaaradaha Sanca iyo sidoo kale xarun militeri oo ku taal dekadda Xudeyda.
