Hogaamiyaha kooxda talada la wareegtay ee Suuriya Axmed al-Sharaa ayaa heshiis la gaaray kooxaha fallaagada si ay isugu yimaadaan hal ciidan oo hoos yimaada Wasaaradda Difaaca, sida uu sheegay maamulka cusub ee Suuriya.
Shir u dhexeeyay al-Sharaa iyo madaxda kooxaha “wuxuu ku dhamaaday is afgarad ku saabsan in la kala diro dhammaan kooxaha iyo isku dhafka iyaga oo ay ilaalinayso wasaaradda gaashaandhigga”, ayaa lagu yiri hadal uu soo saaray maamulka cusub Talaadadii.
Si kastaba ha ahaatee, kooxda Kurdiyiinta ee ay hogaamiyaan Kurdiyiinta iyo kooxda SDF ee uu Maraykanku taageero ee waqooyiga bari ee Suuriya ayaan qayb ka ahayn heshiiska hadda la shaaciyay.
Ra’iisul wasaare Maxamed Al-Bashiir ayaa todobaadkii hore sheegay in dib u habeyn lagu sameyn doono wasaaradda iyadoo la adeegsan doono jabhadihii hore iyo saraakiishii ka goosatay ciidamada Bashaar Al-asad.
“Tan iyo markii la riday maamulka Assad, tani waa laga yaabaa inay tahay horumarka ugu muhiimsan ee ka dhacay Suuriya,” ayuu yiri Resul Serdar oo ka tirsan Al Jazeera, oo ka soo waramaya Dimishiq. Waxa uu sharraxay in isla markii uu dhacay burburka nidaamka Al-Asad, ay dagaalyahanno mucaarad ah oo ka kala yimid daafaha dalka ay ku qulquleen Dimishiq, iyadoo qaarkood ay sheeganayaan dhulal kala duwan oo caasimadda ah.
“Cabsida ugu weyn waxay ahayd sida ay kooxahan ula dagaalamayeen nidaamka 13-kii sano ee dagaalka sokeeye – kooxaha aad u hubeysan – sida ay isugu biiraan oo ay u midoobaan,” ayuu yiri Serdar.
“Kadib wadahadal iyo kulamo dhowr fadhi ah hadda Ahmed al-Sharaa, oo ah hogaamiyaha dhabta ah ee Suuriya, sidoo kale ah hogaamiyaha HTS – oo ah awoodda ugu weyn ee militariga iyo siyaasadda Suuriya – wuxuu sheegay in dhammaan kooxaha hubaysan ay go’aansadeen. in la hoos keeno Wasaaradda Gaashaandhigga; Taasi oo ah horumar la yaab leh.
Xigasho: Al-Jazeera
