Axad 15,Dec,2024 {HMC} Wada-hadal dhinaca Taleefanka ayaa dhexmaray Wasiiradda Arrimaha dibadda Soomaaliya, Axmed Macalin Fiqi iyo Masar Dr. Badr Abdel-Atti.
War-saxaafadeed ka soo baxay wasaaradda arrimaha dibadda Masar ayaa lagu sheegay in labada dhinac ay ka wada hadleen xoojinta xiriirkooda iyo danaha ay wadaagaan.
Labada Wasiir ayaa wadaagay warbixinno ku aadan heshiiska Ankara ay ku gaareen Soomaaliya iyo Itoobiya, isaga oo Wasiirka Arrimaha dibadda Masar muujiyay sida ay u garab taagan yihiin midnimada iyo madaxbannaanida Soomaaliya.
Sidoo kale, waxaa ay ka wada hadleen sidii loo sii wadi lahaa kulmadii saddex geesoodka ahaa ee Asmara oo dhexmaray madaxweynayaasha Masar, Soomaaliya iyo Ereteriya 10-kii Oktoobar 2024
“Labada wasiir ayaa ku heshiiyay in la sii wado iskaashiga iyo wada shaqaynta, iyagoo sidoo kale qorsheynaya in la qabto kulan saddex-geesood ah oo ay yeeshaan wasiirrada arrimaha dibadda ee Masar, Soomaaliya iyo Ereteriya si loo fuliyo qoddobadii hore loogu heshiiyay” ayaa lagu yiri qoraalka ka soo baxay Wasaaradda Arrimaha dibadda Masar.
