Isniin 9, Dec 2024 {HMC} Ciyaartoyda Da’doodu kayartay 15ka sano ee Xulka Qaranka Soomaaliya ayaa maanta laga ambabixiyay Magaalada Muqdisho, waxa uu socodkoodu yahay Magaalada Kampala Caasimadda Dalka Uganda si ay uga qaybgalaan Isreeb-reebka Koobka Iskuullada Afrika.
Tartankaan oo si gaar ah u dhaxeeya Dalalka Bariga iyo Bartamaha Afrika waxaa si niyad ah loosoo macsalaameeyay jiilka 15 jirrada ah ee Xulka Qaranka Soomaaliya ku metalaya Tartankaan iyada oo laga rajeeyay guullo wax ku ool ah in ay dib usoo celiyaan.
Mas’uuliyiin katirsan Xiriirka Soomaaliyeed ee Kubadda Cagta, Dadka daneeya Cayaaraha iyo shakhsiyaad kale ayaa ka qaybgalay sagootinta Da’yartaan magaca Xulka Badweynta Hindiya ku metalaya tartamada isreeb-reebka ah ee Kampala ka dhacaya.
Tartankaan ayaa noqonaya kii 3aad, dhammaan kulamada waxa ay ka dhici doonnaan Garoonka Cayaaraha ee St. Marys Stadium ee Magaaladaa Entebbe, waxaa ciyaartoyda Soomaaliya hoggaaminaya Mahad Maxamed Xaaji ‘Maicon.
