Sabti 7, Dec 2024 {HMC} Xildhibaan Xasan Firinbi oo ka tirsan golaah shacabka baarlamanka Somalia ayaa raali gelin siiyey Isbatoore Xuseen Maxamed Xasan oo ka tirsan Booliska ilaalada xarunta baarlamanka Somalia
Firimbi ayaa 27-kii November u gacan qaaday Isbatoore Xuseen Maxamed Xasan xili uu socday kulanka golaha shacabka ka dib markii ciidan boolis ah ay is’hortaageen Xildhibaano diidanaa ansixinta iyo dhaarinta guddiga doorashooyinka Qaranka.
Feer uu Xildhibaanku riday ayaa waxaa uu dhaawac sanka ah ka soo gaaray askarigan oo dhiig badan uu ka daatay taasoo sababtay in la dhigo Isbitaalka Madiina oo xaakadiisa lagula tacaalayey.
Askariga ayaa lagu amaanay inuusan falcelin ka sameynin feerka lagu dhuftay isagoo ilaalinaya anshaxa ciidamada iyo xasaanada Xildhibaanka.
Xildhibaano ka tirsan labada aqal ayaa ayaa baaqay in talaabo adag oo sharciga waafaqsan laga qaado xildhibaanka maadaama uu si bareer ah ugu cad gudbay askari waajibkiisa shaqo gudanaya.
Talaabadan raali gelinta ah ee sameeyey xildhibaan Firimba ayaa meesha ka saareysa in dacwad lagu soo oogo, lagana qaado talaabo anshax marin ah, waxaana guul dareystay dedaal ay waday Villa Somalia oo lagu doonayey in xasaanada laga qaado xildhibaanka ka dib markii ay arrintaas soo fara geliyeen masuuliyiin kala duwan oo xeer jajab ku dhameeyey arrintaas.
