Sabti 7,Dec 2024 {HMC} Danjire Fathudin Ali Ospite oo safar shaqo ku tagay dalka Azerbayjan caasimadiisa Baku ayaa la kulmay Wasiirka Sayniska iyo Waxbarashada ee Azerbaijan Mudane Emin Amrullayev.
kulanka ayaa looga wada hadlay sidii loo abuuri lahaa iskaashi ku aadan dhinacyada cilmiga iyo waxbarashada ee labada dal.
Waxuu Sidoo kale Danjira Fathudin booqday labo kamid ah Jaamacadaha Dalkas ugu weyn, waxuuna halkaas kula kumay Ku-Simaha Gudoomiyaha Jaamacada Azerbaijan State Oil and Industry University mudane Vazeh Asgarov iyo Gudoomiyaha Jamacada Baku Higher Oil School Mudane Elmar Gasimov, Waxuu dhaamaan gudoomiyeyaasha Jaamcadahaan kala hadlay sidii ay iskaga kaashan laheyeen Hormartinta waxbarashada labada dal.
Intii uu kulanka socda waxaa sidoo kale kamid ahaa mawduucyada ugu muhiimsan ee lagaga wada hadlay shirkaas samaynta barnaamijyo la isku dhaafsado ardayda, bixinta deeqaha waxbarasho, iyo hindisayaasha lagu kobcinayo iskaashi xooggan oo dhexmara Jaamacadaha Asarbayjaan iyo Soomaaliya.
