Isniin 25, Nov 2024 {HMC} Siyaasiyiin iyo masuuliyiin kala duwan ayaa u habmablyeeyay Madaxweynaha dib loo doortay ee Jubaland Axmed Maxamed Islaan (Axmed Madobe).
Madaxweynihii horre Soomaaliya Sheekh Shariif Sheekh Axmed ayaa u hambalyeeyay Madaxweynaha La doortay ee Jubaland
“Waxaan halkaan ugu hambalyeynayaa Mudane Axmed Maxamed Islaam (Axmed Madoobe) oo maanta Baarlamaanka Jubaland u doortay in uu hogaamiyo Dowlad Goboleedka Jubaland shanta sano ee soo socota. Waxaan Allaah ugu baryayaa in uu u fududeeyo mas’uuliyadda culus ee loo doortay!.
Sheekh Shariif ayaa sheegay in doorashada Jubaland ay meesha ka saartay wax uu ugu yeeray muddo kordhintii sharci darrada ahayd ee madaxda dowladda Federaalku ku cadaadinayeen Dowlad Goboleedyadda Dalka.
“Waxaan uga digayaa madaxda dowladda Federaalka in Ciidamada Qaranka loo adeegsado danno siyaasadeed waana in laga fogaado xasarad abuurka iyo qalqalgalinta deegaannada Jubaland”ayu sheegay Sheeikh Shariif Sheekh Axmed.
Ra’iisulwsaariii horre Xasan Cali Kheyre ayaa u hambalyeeyay Madaxweyne Axmed Maxamed Islaam oo mar kale loo doortay Madaxweynaha Dowlad-Goboleedka Jubbaland. “Waxaan ugu baaqayaa in uu mudnaanta koowaad siiyo dib-u-heshiisiinta Jubbaland, la dagaallanka Alshabaab, iyo xasilloonida Jubbaland”.
Xasan Cali Kheyre Waxa uu dhaliilay ciidamadda ay dowladdu u daadgureysy Jubaland isagoo ugu baaqay in ay tallaabdaas deg-deg u joojiyaan.
Madaxweynaha Punland Saciid Cabdullaai Deni ayaa sdioo kale u hambalyeehyay madaxweynaha dib loo doortay ee Jubaland
“Waxaan u hambalyeeynayaa Madaxweynaha la doortay ee Jubaland Mudane Axmed Maxamed Islaam, Guddoonka Baarlamaanka iyo Xildhibaanada Baarlamaanka Jubaland, waxaan Allaah uga baryayaa in uu u fududeeyo masuuliyadda loo igmaday”.
Xildhibaan Cabdiraxmaan Cabdi Shakuur ayaa isaguna u hambalyeeyay Madaxweynaha dib doo ldooray ee jubaland Axmed Maxamed Islaam (Axmed Amdoobe). “Waxaan u hambalyeynayaa Madaxweyne Axmed Maxamed Islaam oo maanta loo doortay xilka Madaxweynaha Dowlad Goboleedka Jubaland”. Madaxweyne Axmad waxaa horyaalla hawlo culus oo baaxad wayn leh oo ay ugu muhiimsan yihiin dib u heshiisiinta bulshada Jubaland, la dagaallanka Alshabaab, adkaynta nabadgelyada, xasilloonida iyo ilaalinta wadajirka iyo midnimada reer Jubaland ayuu sheegay Cabdiraxmaan Cabdishakuur.
Doorashadan ayaa waxaa harreeyay khilaaf u dhaxeeya Dowladda Federaalka iyo Axmed Madoobe , iyadoo Dowladdu ay sheegtay in aanay aqoonsaneyn natiijada kasoo baxdo doorashadaas iyadoo ku doodeeysa in taas beddekeeda ay Dolwaddu dooneeyso in dalka ay ka dhacado doorasho qof iyo cod ah muddo sanad ahna loo kordhyo maamul goboleedyada uu waqtiag ka dhamaaday.
XIGASHO BBC
