Arbaco 20, Nov 2024 {HMC} Safaaradda Mareykanka ee Kyiv, ayaa si ku meel gaar ah loo xiray, ka dib markii ay heshay waxa ay ugu yeertay macluumaad gaar ah oo suurtagal ah weerar xagga cirka ah. Waxaa lagu booriyay muwaadiniinta Mareykanka ee ku sugan Ukraine inay raadsadaan gabaadyo isla markiiba ay maqlaan digniin hawada. Arrintan ayaa ku soo beegantay maalin uun ka dib markii Ukraine ay weerarkeedii ugu horreeyay ku qaadday dhulka Ruushka iyadoo adeegsanaysa gantaallada ballistic-ga ah ee uu Maraykanku sameeyo, ee loo yaqaan ATACMS.
Ruushka waxa uu ballan qaaday in uu ka jawaabi doono adeegsiga gantaallada riddada dheer ee reer galbeedka ee ka dhanka ah.
Wasaaradda arrimaha dibadda ee Ukraine,ayaa ka hadashay dalalka qaar ee ku dhawaaqeen goor hore oo maanta ah inay si ku meel gaar ah u xirayaan safaaradahooda Kyiv.
Wasaaradda arrimaha dibadda ee Ukraine ayaa sheegtay in hanjabaadaha noocan oo kale ah ay yihiin “nasiib darro” waa xaqiiqo maalinle ah oo dalka ka jirta, iyadoo intaas ku dartay in khatarta maanta ay tahay “mid la mid ah kuwii kun maalmood ee hore”.
Af hayeenka Heorhii Tykhyi ayaa yiri “Waxaan aaminsanahay inay sax tahay in la-hawlgalayaasheena ay uga falceliyaan maalinta 1001aad si la mid ah kumanaankii maalmood ee hore, iyada oo aan wax cadaadis ah oo dheeri ah la saarin.”
Muwaadiniinta Yukreeniyaanka waa inay “fijignaadaan” oo aysan iska indha tirin seeriga duullaanka, khatarta ee weerarka gantaalada Ruushka”.
Mareykanka, Isbaanishka, Talyaaniga iyo Giriiga ayaa dhamaantood maanta ku dhawaaqay xiritaan ku meel gaar ah.
