Isniin 18,Nov 2024 {HMC} Ciidanka hay’adda nabadsugida iyo sirdoonka Qaranka Soomaaliya ee NISA oo gacanta ku dhigay nin katirsanaa kooxda Al Shabaab , kaa oo NISA sheegtay in kooxda u qaabilsanaa hubinta iyo sameynta gaadiidka ay u adeegsadaan qaraxyada.
Ninkan ay ciidamada NISA gacanta ku dhigeen ayaa magaciisa lagu sheegay Cabdinaasir Maxamed Xasan (Xaaji), waxaana la sheegay in xubin muhiim ah ka ahaa shabakadda Al Shabaab u qaabilsan qaraxyada ismiidaaminta ah iyo hubinta gaadiidka qaraxyada loo adeegsado.
Qoraalka kasoo baxay hay’adda NISA ayaa lagu sheegay in ninkan ku lug lahaa cillad bixinta ilaa sagaal gaari oo kooxda Al Shabaab qaraxyo u adeegsadeen, waxaana la sheegay in ninkan uu gaari Harier ah oo lagu qarxiyay hotelka SYL uga soo dhiibay Ceelasha Biyaha ninkii ismiidaamiyay.
