Soomaaliya oo si rasmi ah ugu biirtay ururka caalamiga ah ee GGGI

Axad 17- Nov-2024 {HMC} Dowlada Federaalka Soomaaliya ayaa maanta si rasmi ah ugu biirtay ururka caalamiga ah ee 𝐆𝐥𝐨𝐛𝐚𝐥 𝐆𝐫𝐞𝐞𝐧 𝐆𝐫𝐨𝐰𝐭𝐡 𝐈𝐧𝐬𝐭𝐢𝐭𝐮𝐭𝐞 (𝐆𝐆𝐆𝐈), ururkan ayaana ka shaqeeya u ololeynta arrimaha deegaanka iyo isbedelka cimilada adduunka.

Soomaaliya ayaa noqotay dal xubin buuxa ka ah Iskaashigan muhiimka ah, wuxuu gacan ka geysan doonaa ku biirista ururkan xoojinta qorshayaasha ku saabsan horumarinta dhaqaalaha cagaaran, ilaalinta deegaanka, iyo la qabsiga saameynta isbeddelka cimilada.

Wasiirka Wasaaradda Deegaanka iyo Isbeddelka Cimilada, Amb. Khadija Mohamed Al-makhzoumi, oo ku matalaysay Soomaaliya heshiiskan, ayaa tilmaantay muhiimadda iskaashigan iyo inuu yahay tallaabo waxtar leh oo lagu xaqiijinayo himilooyinkeenna ku aaddan mustaqbal cagaaran.

Dowladda Soomaaliya ayaa horey ugu biirtay ururo kala duwan oo ka shaqeenaya isbadalka cimilada adduunka, waxa ayna Soomaaliya sidoo kale taageero dhaqaale ka heshay ururo iyo hay’addo xoogga saara kahor taga dhibaatooyinka ka dhasha isbadelka cimilada adduunka.