Khamiis 14,Nov 2024 {HMC} Safiiro ka socday waddamada caalamka ayaa sheegay in codbixintii doorashooyinka Somaliland ay u dhacday si hufan oo nabad ah.
Waxa ay sheegeen in dimuquraayada Somaliland ay lamid tahay dimuquraadiyadaha caalamka, oo ku dhisan in musharixiinta fursad loo siiyo in ay ka qayb qaataan doorashooyin xor iyo xalaal ah.
Masuuliyiintan oo warbaahinta kula hadlay Hargaysa, ayaa koomiishanka doorashooyinka ku amaanay shaqada ay qabteen, iyaga oo sheegay in ay muujiyeen hufnaan iyo dhexdhexaadnimo.
“Waxan doonaya in aan ugu hambalyeeyo shacabka Somaliland sidii nabada ahayd ee ay u codeeyeen 13 November, waxaanu jecelnahay in aanu la shaqayno Somaliland si loo xoojiyo dimuquraadiyada” Dajire Mike oo ka socday dowlada Ingiriiska ayaa sida yidhi.
Waxa ay sheegeen in codbixiyayaashu ay go’aamindoonaan madaxweynaha xiga ee Somaliland, isla markaana loo baahanyahay in daneeyayaashu ay aqbalaan natiijada doorashooyinka.
Madaxweynaha Somaliland, Muuse Biixi Cabdi, ayaa caawa qasriga Madaxtooyada ku qaabilay goob-joogayaashii caalamiga ahaa ee ka socday dalal caalamka ee u yimi doorashooyinkii dalka ka dhacay shalay.
Madaxweynaha Somaliland ayaa warbixino ka dhegeystay Goob-joogayaashii Caalamiga ahaa ee dalka u yimi inay qiimeeyaan lana socdaan habsami u socodka doorashooyinka Axsaabta ururada, Xisbiyada S’land iyo Madaxweynaha iyo Madaxweyne ku xigeenka oo dalka si nabadgelyo ah uga qabsoontay 13-November 2024.
Sidoo kale waxa ay madaxweynaha la wadaageen koob iyo toban qodob oo uga soo baxay kormeerkii ay ku tageen gobolada dalka intii ay ka gaareen shalay, iyagoo beri oo jimce ah shir jaraa’id ku qaban doona Caasimada Hargeysa oo ay kula hadlayaan warbaahinta ka hawl-gasha Gudaha Dalka iyo kuwa caalamiga ah.
Si doo kale waxaa ay kulan la qaateen wafdiga ka socday beesha Caalamaka Muraxakale ee Xasibiga wadani
Musharax Ciro ayaa bartiisa Facebooka ah ku so qoray qoraalkan
“Waxa aannu maanta kulan dheer wada yeelannay Danjirayaal badan oo ka socday dalalka UK, EU, Denmark, Sweden, Switzerland, Norway, Czech Republic iyo France oo si weyn uga soo geyb galay doorashadii isku sidkaneyd ee shalay inoo dhacday, goob-joogna ay uga noqdeen guushii uu gaadhay Qarankeenna Jamhuuriyadda Somaliland.
Waxa aan dhankayaga uga mahadcelinaynaa sida ay isugu soo xil-qaameen in ay marag & markhaati uga noqdaan geeddisocodka dimuqraadiyadda dalkeenna iyo doorashooyinkeenaba oo ah hannaanka keliya ee uu shacbiga reer Somaliland ku doorto hoggaankiisa.
