Axad 10- Nov-2024 {HMC} Qoyska iyo qaraabacada carruur ku dhintay duqeyn ay ciidanka Isra’il ku bartilmaameedsatay goob ay kubad ku ciyaarayeen ayaa Sabtidi sameeyay kulan xus ah oo ay ugu murugoodeen uguna duceeyeey carruurta.
Duqeynta lagi dilay carruurta ayaa ka dhacday deegaanka Mawasi ee xeebta koofureed ee Gaza, halkaas oo ay isugu tageen boqollaal kun oo Falastiinyiin ah oo kasoo barakacay deegaanno kala duwan oo ku yaalla Marinka Gaza.
Maxamed Zanun oo ka mid ah qaraabada carruurta ayaa sheegay in ilamaha la dilay ay ahaayeen bartilmaameedka madfaca lasoo ganay maadaama buu yiri aysan cid kale goobta joogin.
Warbixin Jimcihi shalay kasoo baxday Qaramada Midoobay ayaa lagu sheegay, in 70 boqolkiiba dadka lagu dilay dagaalka hadda ka socda Gaza muddada 14-ka bil ah ay yihiin dumar iyo carruur.
