Talaado 6, Nov 2024 {HMC} Malaayiin cod-bixiyayaal ah ayaa shalay codkooda ka dhiibtay doorashada Mareykanka, si ay u go’aamiyaan in midkood, madaxweyne ku-xigeenka dalka Kamala Harris oo dimoqraadi ah ama madaxweynihii hore Donald Trump oo Jamhuuri ah, uu noqo madaxweynaha dalkan afarta sano ee soo socota.
Waxaa billowday in ay soo baxaan natiijooyinka gobollada qaar, walow aanay gaarsiineyn kuwo lagu sii saadaalin karo cidda doorashada ku guuleysaneysa.
Gobolka Minnesotta waa gobolka Soomaalida ugu badan ay ku nooshahay dalkan Mareykanka, waxaana ka codeeyey kumanan Soomaali ah.
Sidoo kale, Gobolka Ohio waa gobolka labaad ee Soomaalidu ugu badan tahay dalkan Mareykanka, waxaana codkooda dhiibtay kumanaan Soomaali ah.
Labadan gobol ayaa waxaa sidoo kale ka tartamay musharaxiin Soomaali ah oo u orday qaar ka mid ah kuraasta deegaanka.
