spot_imgspot_imgspot_img

Madaxweynaha Azerbaijan oo warqadaha aqoonsi safiirnimo ka Gudoomay Danjiraha Soomaaliya ee Dalkas

Jimco 01-November-2024 {HMC} Madaxweynaha Azerbaijan Ilham Aliyev ayaa warqadaha aqoonsiga danjirenimo ka guddoomay Safiirka Soomaaliya ee Turkiga Fatxudiin Cali oo sidoo kale noqonaya Danjiraha Jamhuuriyadda Federaalka Soomaaliya ee Azerbaijan.

Dalkaan Azerbaijan waxa uu kamid yahay Dalalka Safaaradda Soomaaliya ee Turkiga hoostagaya ee ku yaalla Aasiyada Dhexe, Danjire Fatxudiin ayaa howlaha safiirnimo ee Dalalkaan qabanaya isaga oo xooggiisa jooga Turkiga.

Dowladda Federaalka Soomaaliya ayaa muddooyinkii dambe xoojisay kordhinta cilaaqaadka kala dhaxeeya Dalalka Xubnaha ay kawada yihiin Ururrada Caalamiga ah sida Qaramada Midoobay, Midowga Afrika, Jaamacadda Carabta & Ururka iskaashiga Islaamka.

Wasaaradda Arrimaha Dibadda iyo Iskaashiga Caalamiga ah ee Xukuumadda Jamhuuriyadda Federaalka Soomaaliya ayaa horay u sameysay qorshe lagu soo yareynayo safaaradaha badan iyada oo Dalalka isku dhow hal danjire uu ka howlgallayo.

WARARKA