Khamiis 31-Oct-2024 {HMC} Labo weerar oo gantaallo ah oo Xisbullah ah ay qaaday ayaa lagu dilay 7 qof waqooyiga Israa’iil, sida ay mas’uuliyiinta ayaa sheegeen – weerarradii ugu khasaaraha badnaa ee noocan oo kale ah bilo gudahood.
Nin beeraley ah oo Israa’iili ah iyo afar ajaaniib beeralay ah ayaa ku dhimatay kadib markii gantaallo ay ku dhaceen meel u dhow Metula, oo ah magaalo ku taal xuduudka Lubnaan, sida uu sheegay wasiirka arrimaha dibadda Israel Katz.
Gor danbane haweeney 60 jir ah iyo nin da’diisu ay ku dhawayd30 jir ayaa lagu dilay meel u dhow Kibbutz Afek, oo ku taal duleedka magaalada xeebta ah ee Haifa, sida ay sheegeen shaqaalaha caafimaadka.
Hezbollah ayaa sheegtay in ay gantaallo ku garaacday deegaanka Krayot ee waqooyiga Haifa iyo ciidamada Israa’iil ee koonfurta, magaalada Khiyaam ee dalka Lubnaan, taas oo ku taal marka lag gudbo xuduudda Metula.
Milateriga Israa’iil ayaa ogaaday laba gantaal oo ka soo gudbayay Lubnaan oo ku dhacay meel bannaan oo u dhow Metula subaxnimadii Khamiista.
Gelinkii dambe, isarael waxa ay sheegtay in ilaa 55 madfac lagu soo riday dhanka Bartamaha, Galiilka Sare iyo Galbeedka Galiila. Waxa ay intaa ku dartay in qaar ka mid ah sawaariikhda la qabtay qaarna ay ku dhaceen meelo banaan ah.
Wargeyska Haaretz ee Israel ayaa sheegay in beeraley iyo shaqaalle ajaaniib ah lagu dilay dhul beereed ku dhow Metula.
