Monday, September 23, 2024
spot_imgspot_imgspot_img

Somaliland oo ka shiftay qorshe ka dhan ah kooxaha AS iyo Xuutiyiinta dalka Yemen.

Isniin 23-Sept-2024 {HMC} Somaliland ayaa sheegtay in uu xidhiidh ka dhexeeyo kooxaha AS iyo Xuutiyiinta dalka Yemen, kuwaasi oo iska kaashanaya khalkhal galinta amaanka gobolka.

Wasiirka Arrimaha Guddaha Somaliland Maxamed Kaahin Axmed, oo waraysi siiyay Muuqbaahiyaha Al Carabiya, qaybta ku baxda Afka-Carabiga, ayaa dowlada Soomaaliya ugu baaqay in ay wax ka qabato xidhiidhka cusub ee dhexmaray kooxahan.

“Waxa jira xidhiidh adag oo ka dhexeeya kooxaha Xuutiyiinta iyo AS taasina waxay khatar ku tahay nabada gobolka. Dowlada Soomaaliya waa in ay xakamaysa iskaashiga kooxahan”

Waxa uu beesha caalamka ugu baaqay in ay door wayn ka ciyaarto xakamaynta dhaqdhaqaaqyada khatarta ku ah ganacsiga gobolka, isla markaana, aan lagu halayn Somaliland amaanka badda Cas.

Maraykanka ayaa hore u sheegay in uu jiro xidhiidh ay sameeyeen kooxaha Xuutiyiinta iyo AS, taasi oo laga yaabo in ay sababto in Xuutiyiintu ay hub xoogan siiyaan AS.

WARARKA