Axad 15-Sep-2024 {HMC} Madaxweynaha Jamhuuriyadda Federaalka Soomaaliya Xasan Sheekh Maxamuud ayaa farriin ka soo saaray Xuska dhalashada Nebi Muxamed (NNKH) oo berri la qorsheeyey in si weyn looga xuso Soomaaliya.
โWaxaan hambalyo iyo salaan diirran u dirayaa dhammaan shacabka Soomaaliyeed iyo guud ahaan Muslimiinta adduunka, maalinta sharafta leh ee dhalashada Nabigeena Muxamed (Naxariis iyo Nabadgelyo korkiisa ha ahaatee)โ ayuu yiri Madaxweyne Xasan Sheekh.
Madaxweynaha ayaa sheegay in maalintaan barakeysan ay tahay fursad aan ku xasuusanno naxariista, jacaylka iyo caddaalada uu Nabigu u muujiyay Aadanaha.
โWaa in aan ku dayano wanaagga iyo dhaqanka suuban ee Nabiga, kuna dayano tilmaamihiisa qiimaha badan,โ ayuu yiri Madaxweyne Xasan Sheek oo caawa farriintaan soo saaray.
Sidoo kale Madaxweynaha ayaa umadda Soomaaliyeed ugu baaqay in ay ilaaliyaan midnimada, wadajirka iyo walaalnimada dhexdooda ah.
โWaxaan Alle weydiisaneynaa in uu nagu karaameeyo Xuska Nabi Muxamed (NNKH) oo naga yeelo kuwa raaca sunnadiisa,โ ayaa yiri Madaxweynaha Jamhuuriyadda Federaalka Soomaaliya Xasan Sheekh Maxamuud.
Maanta waa 12-ka bisha Mowliid, sida caadiga ah dhamaan dadka Soomaaliyeed waxay xusaan dhalashadii Nabigeenna Muxamed CSW, waxaana xuskaan caan ku ah culimada Ahlusunna Waljamaaca iyo dhamaan umadda muslimiinta ah ee jecel Nabigooda.
Dowladda Soomaaliya ayaa soo saartay qoraal ka soo baxay wasaaradda shaqada iyo arrimaha bulshada, taasi oo lagu fasaxay dhamaan shaqaalaha dowladda, si loo weyneeyo maalintaan qiimaha badan.
