Talaado-14-May-2024 {HMC}ย Madaxweynaha Jamhuuriyadda Federaalka Soomaaliya Dr. Xasan Sheekh Maxamuud ayaa xuska maalinta dhalinyaradda Soomaaliyeed ee 15-ka May awgeed waxa uu Ubax dhigay Taallada SYL oo lagu xasuusto dhalinyaradii gobanimo u dirirka ahayd ee SYL.
Wasiirro katirsan xukuumadda Federaalka Soomaaliya, Guddoomiyaha gobolka Banaadir, taliyaha ciidanka booliska, saraakiil ciidan iyo masuuliyiin kale ayaa ka qeybgalay munaasabadda Ubax dhigga xuska 15-ka May, oo ah maalinta aas-aaska dhalinyaradii gobanimo doonka SYL ee dhexda u xirtay dhismaha Qaranka Soomaaliyeed.
Madaxweynaha Soomaaliya Xasan Sheekh Maxamuud oo khudbad jeediyay ayaa sheegay in dhallinyarada Soomaaliyeed dalkan usoo halgameen ayna hormuud u ahaayeen xuriyadda maanta la heesto.
Sannad kasta maanta oo kale ayaa si weyn loo xusaa xuska maalinta dhalinyaradda Soomaaliyeed ee 15-ka May , maalintan ayaana ah mid umadda Soomaaliyeed qiimo badan ugu fadhisa oo horseeday in dalka ka xuroobo gumeestihii dalka kusoo duulay.
