Arbaco 13 March, 2024 {HMC} Kooxda Arsenal ayaa xalay rigoorayaal ku garaacday kooxda FC Porto si ay u gaarto wareega siddeedda ee Champions League markii ugu horeysay tan iyo sannadkii 2010.
Kulanka ayaa ahaa mid ay Arsenal u baahantahay in ay ciyaarta ku soo laabato ciyaarta kadib markii laga badiyay kulankii hore.
Celcelis labadii kulan ee kooxahan ayaa noqday 1-1, kadib markii Arsenal ay heshay gool barbar dhac ah.
Leandro Trossard ayaa qeybtii hore ee ciyaarta Arsenal u dhaliyey gool 1-0 ay Arsenal ku badisay lugtii labaad garoonka Emirates kadib guuldaradii ka soo gaartay Portugal.
Markii rigooraha la aaday ayaa Arsenal ku badisay 4-2, iyada oo goolhayaha Arsenal David Raya uu badbaadiyay laba rigoore, isaga oo Arsenal geeyay wareegga siddeedda.