Talaado-Feb-27-2024-{HMC} Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur {Madoobe} ayaa maanta Xafiiskiisa Villa Hargeysa ku qaabilay danjiraha Dawladda Qatar u fadhiya Soomaaliya Amb. Dr. Abdalla bin Salim Al Nuceymi.
Kulanka Guddoomiye Sheekh Aadan iyo danjiraha dowladda Qatar ayaa looga hadlay arrimo dhowr ah ay kamid ahaayeen xoojinta xiriirka u dhaxeeya labada baarlamaan iyo wadashaqeyntooda.
Sidoo kale kulanka waxaa looga hadlay sidii dowladda aan walaalaha nahay ee Qatar ay kaalin uga qaadan laheyd aqoon kororsiga xildhibaanada iyo howl-wadeennada Golaha Shacabka, waxaana uu Guddoomiyuhu xusay in dowladda iyo shacabka Qatar ay kaalin weyn ka soo qaateen dib u dhiska dalka.
Dalka Qatar ayaa kamid ah dowladaha Carbeed ee Soomaaliya sida weyn u taageera, waxa ayna Qatar Soomaaliya ka fulisay mashaariic badan, iyada oo sidoo kale dowladda dhinacyo kala duwan ka taageerto.
