isniin-Feb-26-2024-{HMC} Halkan oo ah xarunta Maamulka Degmada beergadiid waxaa lagu qabtay la kulanka Bulsho kaasi oo ujeedkiisa yahay taabo galinta leerarka ku shaqeeyo cadceeda iyo gacan-kuheeyntooda, kuwaas oo dhawaan laga hergalinayo degmada Beergadiid.
Dowlada Soomaaliya oo kaashaneeyso Maamulka Hirshabeelle ayaa degmadan ka hergalinayo
soolarka, waxaana Maalgaliyay Dowladaha Norway iyo Switzerland
Sidoo kale kulanka waxaa looga hadlay sidii Dayactir joogta ah u heli laahayeen iyo ilaalinta badqabkooda markii la taago, waxaana kulanka ka qeeyb galay, 20 qof oo Bulshada qeeybaheeda kala duwan ah iyo Maamulka degmada Beergadiid iyo Kan Matabaan.
Gudoomiyaha Degmada Beergadiid Dirir Samatar Cabdi ayaa kulanka daah furay, waxaana uu sheegay in Muhiimada kulanka uu yahay Sideii Bulshada ku nool degmadan ay qeeyb uga qaadan laheyd ilaalinta Soolarka ku shaqeeyo cadceeda wadooyinka oo dhawaan degmada laga hirgalinayo.
Qaar kamid ah Bulshada ku nool Degmada Beergadiid oo iskugu jiro Ganacsato, Haween iyo Odoyaal dhaqaneed ayaa u mahad celiyay Dowlada Soomaaliya iyo Maamulka Hirshabeelle oo Soolarkan wadooyinkan Degmada ka hirgalinayo.
Gudoomiye ku xigeenka Arimaha Bulshada Degmada Matabaan Maxamed Cali garaad oo Kulanka ka hadlay ayaa sheegay in Mashaariicdan ay ku yimaadeeyn dadaal dheer ee Maamulka uu sameeyay, waxaana uu dadka deegaanka ugu baaqay in la ilaashada. Dowladaha Norway iyo Switzerland oo maalgaliyay Mashruucan ayuu si gaar ah ugu mahadceliyay.
Soolarka Cadceeda ku shaqeeyo oo 25 xabo ah ayaa wax weyn ka badali doano horumarka Magaalada Beergadiid oo ku taalla Laamiga isku xiro Muqdisho iyo Hargeeysa oo ah Marin Muhiim ah
