Sabti- 10 Feb-2024 {HMC}ย Diyaaradda Kenya Airways ayaa bilowday duulimaad toos ah oo isaga kala gooshto magaalada Sharjah ee dalka Imaaraatka Carabta iyo magaalada Muqdisho ee caasimadda Soomaaliya, iyadoo dooneysa in ay ballaariso ganacsigeeda.
Shirkaddu waxay bilawday duulimaad toddobaadle ah oo dhaqan galay Jimcihii, sagaalka Febraayo , iyada oo qorshaheedu yahay in ay toddobaadkii laba jeer ka dhigto halka lagu gaaro bisha Abriil.
Sidaha qaranka Kenya waxa ay la kaashatay wakiilka iibka ee fadhigiisu yahay Dubai Global GSA Cargo LLC oo ah shuraakohooda saadka si ay ugu adeegaan wadada.
“Waan ku faraxsanahay in aan ballaarino adeegeena saadka ee heerka caalamiga ah oo aan gaarsiino suuqyada aan lagu adeegin oo leh badeeco adag, waxaanan aaminsanahay in aan haysano adeeg toos ah oo ay dhamaystirayaan ganacsatada Dubai, gaadiidka, bini’aadantinimada, iyo taraafikada ay wadaan mashruuca,” ayuu yiri agaasimaha xamuulka ee shirkadda Kenya Airway Dick Murianki.
Duullimaadkan ayaa ah mid ku kooban xamuulka oo kaliya.
